مصطفي محمود : أسباب تقدم الأمم .. سنغافورة معجزة إدارة

سبل التقدم ليست هي اللافتات ولا الشعارات ولا الملصقات ولا أمجاد يا عرب أمجاد والمصريين أهم وأحبك يا مصر وأغاني عبده حريقة إياها دي .

والجري علي الكرة والملاعب والغياب في حلقة العلوم والمحاضرات التقدم عمل عمل مش كلام وإذا لم يترجم لعمل يبقي كلام فاضي .

الجد أولاً قبل كل شئ ما سمعناش إن سنغافورة جابت جول لكن جابت نجوم السماء اللي شفناها دي بلد صغير أد كده وصل نجوم السماء واللعب مهم يا أسيادنا لكن في أهم في أولويات ولغة العصر هي الكمبيوتر والإليكترونيات والمايكروويف والليزر ومش ممكن تدخل العصر من غير لغة العصر.

 والحكم الحكومة وظيفة الحكومة جوهر الحكومة أيه جوهر الحكومة هي التسهيل والتيسير والتبسيط هي فتح الأبواب وتمهيد الأسباب وخلق الفرص لكل إيد تشتغل لكل مستثمر بيغامر لكل سواح بيتفرج.

 دي هي وظيفة الحكومة في الواقع التعليم حكاية التعليم دي أساس يعني إنهيار التعليم معناه أيه أن الكادرات التعليم اللي هتطلع وتتخرج من الجامعة وتتوظف وتأخذ مسئوليات هيكون أدائها زي الزفت ومعناها أن الأمة هتنهار مهما وجدت فهيا من موارد وعناصر نجاح أخري وبالتالي لابد من الخروج من الشكل التعليمي الموجود في مصر ومن القطاع العام ومن بيروقراطية القطاع العام .

ومن الجاكيته الجبس اللي اسمها الاشتراكية اللي اتدبسنا فيها من أيام حكم الستينات واللي أصابت البلد بكساح أطفال وشلل أطفال وتدهور اقتصادي وفلس وفقر كل الحاجات دي لابد من الخروج من هذه الجاكت الجبس دي أ - ب الحل.

 إنما جـ ود  معناها أن يبقي في عقاب وثواب لأن من غير عقاب ومن غير ثواب معناها في تسيب وكل واحد هيعمل اللي يعجبه وبعدين اللي يعاقبل لازم يبقي قدوة مش معقول أبويا يقولي ما تدخنش وبعدين ألاقي السجائر في بقه ما ينفعش اللي يعاقب لازم يكون قدوة وبدون القدوة هيبقي كأنك ماشي من غير بوصلة كأنك مسافر تايه من غير دليل.

 وفي النهاية أمامنا درس بلد صغيرة 600 كيلوا متر مربع أقل من شبه جزيرة سيناء كل سكانها إثنين ونصف مليون مفيش عندها موارد ويبقي حجم تجارتها 170 مليار دولار ويبقي الدخل الصافي 62 مليار دولار ومتوسط دخل المواطن 17 ألف دولار في السنة يعني 5 ألاف جنيه في الشهر المواطن العادي في سنغافورة بيقبض في الشهر 5 ألاف جنيه يعني أد م رتب رئيس الوزراء السياحة تبقي إيرادها 6 مليار السياح عددهم  5 مليون يعني ضعف عدد السكان.

 وبعدين نكتشف أن البلد بتشتري المياه من الجيران من ماليزيا وتشتري الرمل علشان تعمل شواطئ ما عندها حاجة خالص أمال عندها أيه عندها همة عندها منهج عمل عندها خطة عندها حضور في العصر عايشه في العصر  مين يصدق أن تبقي سنغافورة ثالث صناعة بترول في العالم وهي ما عندهاش بترول ده غير صناعات المعدنية وأحواض السفن والكمبيوتر والسوفت وير والهارد وير والتيلي كومينيكاشن.

لغز سنغافورة في كلمة بسيطة اللي بيسموه أي تي بلان اللي هي شبكة معلومات أن كل شيء متفرغ في شبكة  شبكة الصحة والطب والعلاج في أي كونت  شبكة الاقتصاد وفي بريد نت شبكة التجارة وفي شبكة معلومات خاصة بالمكتبات اللي هي سيلاس وشبكة معلومات خاصة بالتعليم وشبكة معلومات خاصة بالأراضي وكل شبر أيه حكايته إذا كان ملكية أور هنية أو اتبني أو أترمم أو اتهدم كل ده تحت عنوان تيلي  فيو  الشبكات دي كلها تصب بعد كدة في شبكة كبيرة أوي سوبر كمبيوتر اسمها داتا نت الداتا نت هي اللي تعمل الاحصاء والتقيم كل ده الأخر يروح لصانع القرار يتك علي زر يطلع المعلومات دي كلها أمامه علي طول من غير دوشه.

 إنتهي عندهم بالنسبة لهم عصر الاستمارات والبابر وررك والفواتير ورموه للبحر بقه كله وان أبليكيشن لغوا الجمارك لغوا الكاستم والديوتي والكلام ده كله تفرق أيه النتيجة الاجراءات بقيت بسيطة سهلة ظريفة سيالة كدة يقولك تنزل من المطار تلاقي كل واحد بيأخذك بالحضن ما معاكش فلوس يقبلوا منك بطاقة الائتمان ما معاكش شلن تتكلم في التليفون يقولك ولا يهمك يحول مكالماتك لنمرتك في البلد بتاعتك واتكلم يا حاج زي ما أنت عايز فاكسات وتليكسات عندك سكرتارية يدوك سكرتارية وغرفة اجتماعات ودفتر فيه ورق أتوبيسات بتلف البلد مجاناً أيه ده ناس بتأخذك بالحضن ده معني التسهيل والتيسير.

 مش تصريحات تفرق طبعاً تصريحات أد كده والأخر مفيش إنما ده بالفعل تحس أن البلد بتأخذك بالحضن بعدين هذه البلد يبقي فيها خمس طوائف ولا خمس أعراق صيني علي ماليزي لا هندي علي عرب مسلم وما يدبوش في بعض أبداً ليه المشروع القومي واخدهم كل واحد عايش رخاء ومبسوط وحاسس أن عمله ونجاحه بينعكس عليه والمحبة غلبت الأنانية فحصل الانسجام العجيب ده

....................................................................................................................................................................